Yer əlavə etmək

Bu dərsdə müəsissələr və müəyyən bina və sərhədləri əlavə etmək haqqında öyrənə bilərsiniz.  Yeni bir yer əlavə etməzdən öncə həmin yerin xəritədə olmadığını dəqiqləşdirin. Bunu etmək üçün xəritənin üstündəki paneldən Nəzərdən Keçir (Browse) düyməsinə klikləyin.

 

Yeri necə əlavə etməli?

  1. Xəritədən yuxarıdakı panelin sol tərəfindəki Yeni Əlavə Et (Add New) klikləyin.
  2. Açılan menyudan Yer əlavə et (Add a Place) seçimini seçin.
  3. Xəritənin sağ yuxarı küncündən peyk görüntüsünü seçib, obyektin yerini müəyyən edi. Müəyyən olunmuş nöqtəyə klikləyin. Əgər həmin yerdə bina çəkilibsə, binanın üzərinə klikləyin.
  4. Açılan menyudan əlavə etməkdə olduğunuz yerin kateqoriyasını seçin (restoran, kafe, ticarət mərkəzi, məktəb və s.)
  5. Aşağıdakı bölməyə müəssisənin adını da əlavə etdikdən sonra isə Davam edin (Continue)
  6. Yeni açılan sol paneldə obyektlə bağlı sahib olduğunuz məlumatları yerləşdirin (ad, ünvan, telefon, vebsayt, iş saatları, və s.)
  7. Bina/Sərhəd (Building/Boundary) bölməsində 3 seçim var:

            a) Bu yer tamamilə binanın içərisindədir (məs. ticarət mərkəzindəki dükan, binanın içindəki kafe və s.). Bu seçimi klikləyəndə bir qədər aşağıda Bina seç işarəsi əmələ gəlir və onu klikləyərək xəritədə obyektin yerləşdiyi binanı seçirsiz.

            b) Bu yerə ərazi və bina(lar) daxildir (məs. məktəb, universitet şəhərciyi, stadion, zavod, xəstəxana və s.). Bunu seçdikdən sonra bir qədər aşağıda Ərazinin konturlarını çək-ə klikləyərək xəritədə müəssisənin tutduğu ərazini çəkin.

c) Müəssisənin yerləşməsi yuxarıdakı seçimlərdən heç birinə uyğun gəlmirsə və yaxud bu barədə məlumatınız yoxdursa Bilmirəm (İ don’t know) seçimini seçin.

8.   Sonda isə  Yaddaşda Saxlayın (Save) və beləliklə əlavə etmək istədiyiniz yer digər istifadəçilər tərəfindən yoxlanılıb təsdiqlənməyə hazırdır.

 

Binanı görə bilmirəm

Əgər əlavə etmək istədiyiniz müəssisə yalnız binanın içində yerləşirsə və həmin bina xəritədə çəkilməyibsə, binanın konturlarını daha sonra ayrıca əlavə etmək lazımdır. Binanı çəkdikdən sonra isə müəssisədə lazımi dəyişiklikləri etmək mümkündür.

 

Qaralama kimi saxla

Əgər müəssisə ilə bağlı məlumatları yerləşdirməyə daha sonra davam etmək istəyirsinizsə, pəncərənin aşağı sol küncündə Qaralama kimi saxla-ya (Save as Draft) klikləyərək yaddaşda saxlaya bilərsiniz. Daha sonra bu qaralamaları Faəliyyət Axımı (Activities Stream) bölməsindəki Mənim Fəaliyyətlərim (My Activities) alt-bölməsindən tapa bilərsiniz.